Greifarnir

Nú er komið að síðasta sveitaballi sumarsins hjá Greifunum – og við ætlum að ljúka þessu stórkostlega ferðalagi með stæl í Aratungu laugardaginn 15. ágúst.

Ballið er hluti af fjölskylduhátíðinni Tvær úr tungunum, sem fer fram í Reykholti og Aratungu þessa sömu helgi. Þar verður fjölbreytt dagskrá fyrir alla fjölskylduna og því tilvalið að taka frá alla helgina, skella tjaldinu, tjaldvagninum eða hjólhýsinu í ferðagírinn og eiga góða daga í sveitinni.

Afmælisferðin Síðasta sveitaballið hefur farið fram úr okkar björtustu vonum. Móttökurnar hafa verið frábærar um allt land, aðsóknin aukist jafnt og þétt og stemningin verið einstök hvert sem við höfum komið.

Nú er síðasti sénsinn í sumar til að upplifa alvöru sveitaball með Greifunum. Við ætlum að fylla Aratungu af tónlist, söng, dansi og gleði og enda sumarið saman á ógleymanlegan hátt.

Takið fjölskylduna og vini með, njótið hátíðarinnar Tvær úr tungunum yfir daginn og dansið svo með okkur fram á kvöld í Aratungu.

Við hlökkum mikið til að sjá ykkur!

Tvær úr tungunum – Reykholt og Aratunga
Síðasta sveitaball sumarsins – Aratunga, laugardaginn 15. ágúst

Forsala miða á ballið er á Tix.is.

Einnig verður hægt að kaupa miða við innganginn.